Dialekmès 2026
februari 15, 2026 @ 11:11
- Dialekmès 2026
- D’r advent en de kristied kome d’r aa en d’r vasteloavend liek nog hieël wieët voet, maar vuuër daste ‘t wits is ’t zondig 15 fibberwaar 2026 en op deë daag is’t Vasteloavendszondig, d’r daag woaop de Sjeeter Dialekmès weët opgedrage. De lede van ’t Feskomité Sjeeter Dialekmès hant al ee paar vergaderinge gehat en zint druk bezig mit de vuuërbereiding van die mès. Och dit joar hant de lede wer ee thema bedach, wao alle tekste in de mès betrekking op hant. Vieër wille de luuj tensjlotte och ing boodsjap mitgeëve. Dis kieër hant vieër bedach dat ieër uch allenuij mot versjtoa, umdat et leëve veuël te sjoeën is um sjtriet te make. Versjtoat uch; ut Leëve is “Vuuels te moeeij” hant vieër bedach.Oplettende leëzers hant vieleich al in de gate dat in dit thema inne titel van een leedje van Thei & Marij is verwirkt en dat zint dan och de artieste die dis kieër in de dialekmès kome zinge. Same mit de Palemiger Spatzen zörge ze vuuër de muzikale invulling van de mès. D’r zint wellich nog mieë zangers en moezikante die aan de mès mitwirke, maar dat huuët ieër later waal.Bij ’t organizere en plenne van de traditionele Dialekmès vuuër vasteloavendszondig, kump gans get kieke, maar vieër kinne noen waal al zaage dat de mès durchgeet. Dus sjrieëf maar in ugge agenda dat ieër op zondig 15 fibberwaar 2026 um 11 op 11 in de kirk va Petrus en Paulus op d’r Sjeet mot zieë. ’t Feskomité vruijt zich noen al um uch dan wer te treffe.
- Feskomité Sjeeter Dialekmès